Sundlaugar heimsóttar (53)

• Álftaneslaug

• Árbæjarlaug

• Ásgarðslaug

• Ásvallalaug

• Borg Grímsnesi

• Breiðholtslaug

• Dalslaug

• Grafarvogslaug

• Heiðarbær

• Jaðarsbakkalaug Akranesi

• Lágafellslaug

• Laugardalslaug

• Neslaug Árnesi

• Reykholtslaug/ Íþróttamiðstöðin í Reykholti

• Sælingsdalslaug

• Salalaug

• Selárlaug

• Seltjarnarneslaug

• Skeiðalaug

• Stefánslaug Neskaupstað

• Suðurbæjarlaug

• Sundhöll Hafnarfjarðar

• Sundhöll Reykjavíkur

• Sundhöll Selfoss

• Sundhöll Seyðisfjarðar

• Sundlaug Akureyrar

• Sundlaug Bláskógabyggðar Laugarvatni

• Sundlaug Djúpavogs

• Sundlaug Egilsstaða

• Sundlaug Eskifjarðar

• Sundlaug Grundarfjarðar

• Sundlaug Hafnar í Hornafriði

• Sundlaug Hofsóss

• Sundlaug Húsavíkur

• Sundlaug Laugum Þingeyjarsveit

• Sundlaug Kópavogs

• Sundlaug Ólafsfjarðar

• Sundlaug Sauðárkróks

• Sundlaug Siglufjarðar

• Sundlaug Stykkishólms

• Sundlaug Stöðvarfjarðar

• Sundlaugin Blönduósi

• Sundlaugin Borgarnesi

• Sundlaugin Breiðdalsvík

• Sundlaugin Flúðum

• Sundlaugin Hellu

• Sundlaugin Hólmavík

• Sundlaugin Hvammstanga

• Sundlaugin Hvolsvelli

• Sundlaugin Kirkjubæjarklaustri

• Sundlaugin Laugalandi

• Sundlaugin Laugaskarði

• Sundlaugin Laugum Sælingsdal

• Sundlaugin Vík

• Varmárlaug

• Vesturbæjarlaug

Uppáhalds laugar Reykjavíkur (2019)

1. Laugardalslaug

2. Sundhöll Reykjavíkur

3. Breiðholtslaug

4. Dalslaug*

5. Grafarvogslaug

6. Vesturbæjarlaug

7. Árbæjarlaug

*Dalslaug bættist við 2022

Ýmsar kríteríur sem sundlaugar eru dæmdar eftir

• Hvað á að gera við skó; skólhillur, pokar fyrir skó

• Flísar á sturtusvæði

• Sundlaugarbakkinn, malbik, flísar, hellur, annað hversu þægilegt. Hversu þægilegt er að ganga á bakkanum

• Almennt hreinlæti

• Sýnileiki starfsmanna

• Skilti – sérstök efni á skiltum

• Tungumál á almennum skiltum

• Skápar

• Sturtur

• Rennibrautir

• Turnar

• “Þvo á sér fætur” vatnið við þurrksvæði

Hringferð um sundlaugar á höfuðborgarsvæðinu 17. sept. 2019

Fyrir nokkru komst ég að þeirri niðurstöðu að um 98% af öllum sundferðum sem ég hef farið hafa verið farnar í skólasundlaugina í Breiðagerðisskóla og í Laugardalslaug. Því var ákveðið að fara í hringferð um allar almenningssundlaugar á höfuðborgarsvæðinu. Heimsóttar voru 16 laugar, hófst ferðin í Laugardal og lauk henni í dag á sama stað. Laugarnar eru jafn fjölbreyttar og þær eru margar og hef ég komist að mjög mörgu um sundlaugar.

-Ég hef tekið eftir því að sundlaugar elska útprentuð plöstuð A-4 blöð. En það mjög misjafnt hverju laugarnar vilja koma á framfæri á þessum blöðum. Árbæjarlaugin vill að maður viti að hún taki enga ábyrgð á skóm í skóhillunni(örugglega um 20 stk bara við kvennaklefann). Grafarvogslaug vill að maður viti að það sé STRANGLEGA bannað að neyta matar og drykkjar í búningsklefanum, að gestir sem ekki þvoi sér án sundfata verði gerðir brottrækir úr lauginni og með MÖRGUM upphrópunarmerkjum að maður skuli setja skóna í plast. Sundhöll Reykjavíkur vill ekki að maður viti neitt, flókið að finna leiðina að laugarsvæði og aftur í klefa.

–Sturtur: Verstu ýta á takka sturtuna er að finna í Árbænum, og þá bestu ýta á takka í Sundhöll Reykjavíkur. Versta sturta óháð gerð blöndunurtækja er í Ásvallalaug. Krúttlegasti klefinn er í Varmárlaug.

–Eftirlit: Eitt af því sem kom mér mest á óvart er hversu lítið eftirlit er í sturtuklefum( mikið eftirlit í Laugardal), en varð vör við eftirlit í Breiðholti, Grafarvogi, Vesturbæ, Garðabæ og Salalaug. Í Lágafellslaug varð ég ekki vör við neitt eftirlit yfirhöfuð, hvorki í klefa né á sundlauga- og rennibrautasvæðinu.

–Eftirlit: Mesta eftirlit á öllum sviðum í Grafarvogslaug; í afgreiðslu, við hlið, í klefa og við laugina.

–Rennibrautir: Besta rennibrautin er bláa brautin í Breiðholti.

–Sápa: Mesta ilmefnasápan er í sundlaug Garðabæjar.

–Pottanudd:Besta pottanuddið er í Sundhöll Hafnarfjarðar.

–Skápar: Furðulegustu skápanúmerin eru í Kópavogi þau byrja á bókstöfum.

–Vaðlaug: Skemmtilegasta vaðlaugin er á Álftanesi ( öldulögin alveg fín líka sko)

–Kaldur pottur: Skemmtilegasta útfærsla á köldum potti á Seltjarnarnesi. Þar gengur maður í gegnum pottinn. Hann er lítill, ílangur, gengið niður tröppur öðru megin og upp hinum meginn.

-Óstýrilátustu sundgestirnir voru í Lágafellslaug en sjálfssagt var það bara tilfallandi.

-Karlar tala um mjög ólík mál í pottunum í Garðabæ og í Laugardal.

– Niðurstaða: Mér finnst enn Laugardalslaugin best og verður hún sótt áfram en Breiðholtslaugin kannski spari.